https://pinkeo.netlify.app/posts/Recent content in Posts on PinkeoHugo -- gohugo.ioen-usSat, 28 Dec 2024 17:13:27 +0700https://pinkeo.netlify.app/posts/things-i-learned-in-2024/Sat, 28 Dec 2024 17:13:27 +0700https://pinkeo.netlify.app/posts/things-i-learned-in-2024/Things I learned in 2024 [ English below ] ນີ້ຄືສິ່ງທີ່ຂ້ອຍໄດ້ຮຽນຮູ້ໃນປີ 2024 ໂພສນີ້ຈະຂຽນສັ້ນໆ ດຽວຈະມາອະທິບາຍແຕ່ລະຂໍ້ໃນໂພສຕໍ່ໆໄປ – — – [ 1 ]. ຄົນແປກໜ້າ ມັກຈະມີເລື່ອງລາວໜ້າສົນໃຈເລົ່າສູ່ຟັງ [ 2 ]. ຊີວິດຊ່ວງອາຍຸ 20 ຕົ້ນໆ ບໍ່ຄວນຮູ້ສຶກສະບາຍ [ 3 ]. ຖ້າເຮົາຮູ້ເຈັບເມື່ອມີຄົນບອກວ່າເຮົາເກັ່ງບໍ່ພໍ ດີບໍ່ພໍ, ຂະເຈົ້າອາດຈະເວົ້າຖືກແລ້ວ [ 4 ]. ເຮົາດຶງດູດຄົນທີ່ເຮົາເປັນເຂົ້າມາໃນຊີວິດ ບໍ່ແມ່ນຄົນທີ່ເຮົາຕ້ອງການ [ 5 ]. ເປັນເປັດ = ເປັນຄ່າສະເລ່ຍ = ຖືກແທນທີ່ເມື່ອໃດກໍໄດ້ [ 6 ]. ເຮົາບໍ່ເຊື່ອຄົນອື່ນ ເກີດຈາກເຮົາບໍ່ເຊື່ອໃນຕົນເອງ [ 7 ]. ເມື່ອຄົນເຮັດຄືບໍ່ສົນໃຈ ນັ້ນເປັນເພາະວ່າເຂົາເຈົ້າບໍ່ສົນໃຈ [ 8 ]. ຄວາມໝັ້ນໃຈໃນໂຕເອງ ເກີດຈາກການຮູ້ຈັກຕົນເອງດີພໍ [ 9 ]. ເຊື່ອໝູ່ຄົນນັ້ນ ໝູ່ທີ່ເຫັນຄວາມສາມາດໃນໂຕເຮົາ ກ່ອນທີ່ເຮົາຈະເຫັນໃນໂຕເອງ ຫວັງວ່າປີນີ້ເປັນອີກປີໜຶ່ງທີ່ດີສຳລັບທຸກຄົນ. ໂຊກດີປີໃໝ່ :)https://pinkeo.netlify.app/posts/sum-psycology-of-money/Fri, 22 Mar 2024 21:45:27 +0700https://pinkeo.netlify.app/posts/sum-psycology-of-money/ໜັງສື The Psychology of money ມີທັງໝົດ 200 ປາຍໜ້າ ປະກອບດ້ວຍບົດຮຽນການເງິນ 20 ບົດທີ່ແຕກຕ່າງຈາກໜັງສືການເງິນທົ່ວໄປ ໂດຍເຮັດໃຫ້ເຮົາເຂົ້າໃຈເຖິງສິ່ງທີ່ຢູ່ເບື້ອງຫຼັງຄວາມຮັ່ງມີ ແລະ ຄວາມທຸກຈົນ ຄົນລວຍ ອາດບໍ່ແມ່ນຄົນທີ່ຫາເງິນເກັ່ງ ແລະ ຄົນຈົນອາດບໍ່ແມ່ນຄົນທີ່ມີລາຍໄດ້ໜ້ອຍ . ໜັງສືເຫຼັ້ມນີ້ ໄດ້ຂຽນບອກເລົ່າເຖິງປະຫວັດສາດວິກິດທາງເສດຖະກິດທີ່ມີຜົນຕໍ່ສະພາບເສດຖະກິດປັດຈຸບັນ ຈຸດເລັກນ້ອຍທີ່ເຮັດໃຫ້ເກີດການປ່ຽນແປງ ຫຼື ເກີດວິກິດທາງການເງິນ ແລະ ເປັນບັນຫາໄປທົ່ວໂລກ ແຕ່ວິກິດເຫຼົ່ານັ້ນກໍໄດ້ສົ່ງຜົນດີຫຼາຍຢ່າງທີ່ເຮົາສ່ວນຫຼາຍມັກເບິ່ງຂ້າມ ຖ້າຫາກຢາກຮູ້ວ່າທີ່ຂ້ອຍເວົ້ານັ້ນແມ່ນຫຍັງ ສາມາດໄປຊື້ປຶ້ມມາອ່ານໄດ້ທີ່ Caphe17 Books Store . ໃນໂພສນີ້ ຄັດຫຍໍ້ເອົາບົດຮຽນທີ່ຖອດຖອນໄດ້ ເຊິ່ງໄດ້ສະຫຼຸບໄວ້ໃນບົດທີ 19 ຂອງໜັງສື ກ່ຽວກັບບົດຮຽນທາງການເງິນທີ່ເຮົາສາມາດນຳໄປໃຊ້ໄດ້ເຊິ່ງມີດັ່ງນີ້: . 1. ຖ່ອມຕົວ ເມື່ອທຸກຢ່າງເປັນໄປຕາມທີ່ເຮົາຄິດ ແລະ ໃຫ້ອະໄພ ເຫັນອົກເຫັນໃຈ ເມື່ອທຸກຢ່າງບໍ່ເປັນໄປຕາມທີ່ຄິດ: ເຄົາລົບໃນໂຊກ ແລະ ຄວາມສ່ຽງເພາະທັງສອງມີໂອກາດເກີດຂຶ້ນໄດ້ເທົ່າກັນ 2. ຄວາມຕ້ອງການໜ້ອຍ ຄວາມຮັ່ງມີເພີ່ມຂຶ້ນ: ຄວາມຮັ່ງມີ ແມ່ນອີງຕາມຄວາມສາມາດໃນການຫ້າມໃຈໂຕເອງ 3. ບໍລິຫານຈັດການເງິນ ໃນແບບທີ່ເຮັດໃຫ້ເຮົາສາມາດນອນຫຼັບໄດ້ສະບາຍ: ບໍ່ມີວິທີທີ່ຖືກຕ້ອງແນ່ນອນໃນການບໍລິຫານເງິນ ແຕ່ໃຫ້ເລືອກວິທີທີ່ຈະເຮັດໃຫ້ເຮົານອນຫຼັບໂດຍບໍ່ຕ້ອງຄິດຫຼາຍ 4. ສິ່ງດຽວທີ່ຈະເຮັດໃຫ້ເຮົາເປັນນັກລົງທຶນທີ່ດີ ຄືໄລຍະເວລາໃນການລົງທຶນ: ເວລາເປັນສິ່ງທີ່ມີອິດທິພົນທີ່ສຸດໃນການລົງທຶນ 5. ຍອມຮັບຄວາມຜິດພາດຂອງຕົນເອງ: ເຖິງເຮົາຜິດພາດໃນການບໍລິຫານເງິນ ບໍ່ໄດ້ໝາຍຄວາມວ່າເຮົາຈະບໍ່ສາມາດເຮັດໃຫ້ມັນດີຂຶ້ນໄດ້ 6. ຈົ່ງໃຊ້ເງິນ ເພື່ອຄວບຄຸມເວລາ: ຄວາມສາມາດທີ່ຈະະເຮັດໃນສິ່ງທີ່ຢາກເຮັດ ຕອນທີ່ຢາກເຮັດ ກັບຄົນທີ່ເຮົາຕ້ອງການຄືປັນຜົນທີ່ດີທີ່ສຸດຈາກເງິນhttps://pinkeo.netlify.app/posts/10-things-that-make-people-feel-good-about-you/Mon, 22 Jan 2024 21:45:27 +0700https://pinkeo.netlify.app/posts/10-things-that-make-people-feel-good-about-you/ເຄີຍສົງໃສບໍ່ວ່າ ເປັນຫຍັງເຮົາຈຶ່ງຮູ້ສຶກດີກັບຄົນບາງຄົນ? ອາດຈະເປັນໄດ້ທັງຄົນສະໜິດ ຫຼື ບໍ່ສະໜິດທີ່ເຮົາສາມາດຮູ້ສຶກໄດ້ເຖິງພະລັງງານດ້ານບວກຈາກຄົນໆນັ້ນ . ນີ້ບໍ່ແມ່ນອາການດຽວກັນກັບການຕົກຂຸມຮັກ ຫຼື ອາການ have a crush on ຜູ້ໃດໄດ໋ 😃, ມັນບໍ່ແມ່ນຄວາມຮູ້ສຶກດຽວກັນ ແຕ່ໃກ້ຄຽງກັນເຊິ່ງມັນອາດພັດທະນາໄປໃນທາງນັ້ນໄດ້, ແຕ່ຫຼາຍຄັ້ງແລ້ວມັນກະເປັນພຽງຄວາມຮູ້ສຶກດີໆທີ່ມີຕໍ່ຄົນໆນັ້ນທີ່ບໍ່ໄດ້ໄປໃນທາງ romantic (ຄວາມຄິດເຫັນສ່ວນໂຕ) 🙂 . ມີຫຼາຍຄັ້ງທີ່ການກະທຳເລັກນ້ອຍຂອງບາງຄົນມັນເຮັດໃຫ້ຂ້ອຍຮູ້ສຶກດີ ແລະ ກາຍເປັນ highlight ດີໆຂອງມື້ນັ້ນໄປເລີຍ . ແລະ ຂ້ອຍກໍສັງເກດມາຕະຫຼອດວ່າມັນມີຫຍັງແນ່ຫວະ!! ທີ່ຈະສາມາດເຮັດໃຫ້ຄົນເຮົາຮູ້ສຶກດີກັບຄົນໆໜຶ່ງໄດ້ ສະຫຼຸບໄດ້ 10 ຂໍ້ ສິ່ງເລັກໆນ້ອຍໆທີ່ຂ້ອຍເຊື່ອວ່າມັນຈະເຮັດໃຫ້ຄົນອື່ນຮູ້ສຶກດີກັບເຮົາ: 1.ຍິ້ມ. 2.ທັກທາຍຄົນທີ່ຮູ້ຈັກເວລາເຫັນກັນ ເຖິງວ່າຈະບໍ່ຄ່ອຍສະໜິດ ຢ່າງໜ້ອຍກະຍິ້ມໃຫ້. 3.ໃຫ້ຄຳຊົມ ແລະ ຊົມດ້ວຍຄວາມຈິງໃຈ. 4.ເວົ້າຂອບໃຈ ເຖິງມັນຈະເລັກນ້ອຍ. 5.ເປີດປະຕູໄວ້ໃຫ້ຄົນທີ່ມານຳຫຼັງ ແລະ ສຳລັບຜູ້ຊາຍ ຖ້າໄປກັບຜູ້ຍິງ ກໍຄວນເປີດປະຕູໃຫ້ຜູ້ຍິງເຂົ້າກ່ອນ ເຖິງມັນບໍ່ແມ່ນສິ່ງທີ່ພວກເຂົາຂໍ ແຕ່ເຮັດໃຫ້ກະດີ 😊. 6.ຟັງ ໃຫ້ຫຼາຍກ່ອນເວົ້າ. 7.ຖາມໃຫ້ໝັ້ນໃຈວ່າໝູ່ຮອດເຮືອນປອດໄພ ຫຼັງຈາກໄປຫຼິ້ນນຳກັນ. 8.ກ່າວຊົມຄົນອື່ນ ລັບຫຼັງຂະເຈົ້າ. 9.ຖາມວ່າ “ໂອເຄຢູ່ຫວາ?” ເມື່ອຮູ້ສຶກວ່າພວກເຂົາຮູ້ສຶກບໍ່ດີ (ແລ້ວໝູ່ກະຕອບວ່າ i’m ok i’m fine gwenchana teng neng neng ne neng 🤣).https://pinkeo.netlify.app/posts/matlab-trial-installation/Mon, 09 Oct 2023 12:22:27 +0700https://pinkeo.netlify.app/posts/matlab-trial-installation/ທີ່ຈິງ MATLAB ສາມາດນຳໃຊ້ອອນລາຍໃນບຣາວເຊີໄດ້ຟຣີໂດຍບໍ່ຕ້ອງຕິດຕັ້ງໂປຣແກຣມ ແຕ່ວ່າໃນການໃຊ້ງານທີ່ຈຳເປັນທີ່ຕ້ອງໃຊ້ເຄື່ອງມີເສີມເຮົາຕ້ອງໄດ້ຕິດຕັ້ງໂປຣແກຣມກ່ອນຈຶ່ງນຳໃຊ້ໄດ້, ແນ່ນອນມັນເສຍເງິນ ແຕ່ເຮົາທົດລອງໃຊ້ຟຣີໄດ້ 1 ເດືອນຫຼັງຈາກໜຶ່ງເດືອນເຮົາກໍໃຊ້ຕໍ່ບໍ່ໄດ້ (ແຕ່ຂ້ອຍມີວິທີ ອ່ານຕໍ່ໃຫ້ຈົບ) ຈາກທີ່ເວົ້າມາສາມາດເຮັດຕາມຂັ້ນຕອນຕໍ່ໄປນີ້: 1._ ເຂົ້າໄປທີ່ໜ້າເວັບໄຊ້ https://www.mathworks.com/campaigns/products/trials.html ລັອກອິນດ້ວຍບັນຊີໂດຍໃສ່ອີເມວ ຖ້າຍັງບໍ່ມີບັນຊີມັນຈະພາໄປໜ້າຕັ້ງບັນຊີ 2._ ຫຼັງຈາກຕັ້ງບັນແລະລັອກອິນແລ້ວ ເລືອກ student ແລະຕື່ມຂໍ້ມູນໃສ່ໃຫ້ຄົບ ສຳລັບໃຜທີ່ຮຽນວິສະວະກຳໂທລະຄົມມະນາຄົມ ໃຫ້ເລືອກ Wireless Communication ແລະກົດ Submit 3._ ຫຼັງຈາກເຂົ້າມາໜ້າຫຼັກແລ້ວ ກົດທີ່ Install MATLAB 4._ ກົດທີ່ Download For Windows ຄັນບໍ່ໄດ້ໃຊ້ Window ກະກົດລູກສອນນ້ອຍໆເພື່ອເລືອກ ແລ້ວກໍຖ້າມັນດາວໂຫລດ 5._ ຫຼັງຈາກດາວໂຫລດແລ້ວໃຫ້ເປີດໄຟລ ມັນຈະຂຶ້ນໜ້າຕ່າງນີ້ໃຫ້ລັອກອິນ ໃຫ້ໃສ່ອີເມວ ແລະ ລະຫັດຜ່ານເພື່ອລັອກອິນ 6._ ຕິກທີ່ yes ແລ້ວກົດ Next ແລະກົດ Next ໄປເລື້ອຍໆ 7._ ໃນຂັ້ນຕອນນີ້ໃຫ້ໝາຍຕິກໃສ່ເຄື່ອງມືທີ່ຈະໃຊ້ມີ MATLAB Antenna Toolbox Bluetooth Toolbox Communication Toolbox ເຊິ່ງຂ້ອຍຄິດວ່າອາດຈະໄດ້ໃຊ້ ຍິ່ງໝາຍເອົາຫຼາຍອັນຍິ່ງໃຊ້ພື້ນທີ່ ແລະເວລາໃນການຕິດຕັ້ງດົນ ຖ້າບໍ່ໝັ້ນໃຈວ່າຊິໄດ້ໃຊ້ເຄື່ອງມືໃດແນ່ ໝາຍເອົາ MATLAB ຢ່າງດຽວກໍໄດ້ ແລ້ວຈຶ່ງຕິດຕັ້ງເຄື່ອງມືພວກນັ້ນພາຍຫຼັງ ແລ້ວກົດ Next ຖ້າມັນຂຶ້ນແບບນີ້ໃຫ້ຄິກ Add ຕາມທີ່ມັນບອກ 8.https://pinkeo.netlify.app/posts/edge-detection-%E0%BA%81%E0%BA%A7%E0%BA%94%E0%BA%88%E0%BA%B1%E0%BA%9A%E0%BA%82%E0%BA%AD%E0%BA%9A%E0%BA%82%E0%BA%AD%E0%BA%87%E0%BA%95%E0%BA%BB%E0%BA%A7%E0%BB%9C%E0%BA%B1%E0%BA%87%E0%BA%AA%E0%BA%B7%E0%BB%83%E0%BA%99%E0%BA%AE%E0%BA%B9%E0%BA%9A%E0%BA%9E%E0%BA%B2%E0%BA%9A%E0%BA%94%E0%BB%89%E0%BA%A7%E0%BA%8D-matlab/Tue, 19 Sep 2023 12:22:27 +0700https://pinkeo.netlify.app/posts/edge-detection-%E0%BA%81%E0%BA%A7%E0%BA%94%E0%BA%88%E0%BA%B1%E0%BA%9A%E0%BA%82%E0%BA%AD%E0%BA%9A%E0%BA%82%E0%BA%AD%E0%BA%87%E0%BA%95%E0%BA%BB%E0%BA%A7%E0%BB%9C%E0%BA%B1%E0%BA%87%E0%BA%AA%E0%BA%B7%E0%BB%83%E0%BA%99%E0%BA%AE%E0%BA%B9%E0%BA%9A%E0%BA%9E%E0%BA%B2%E0%BA%9A%E0%BA%94%E0%BB%89%E0%BA%A7%E0%BA%8D-matlab/ໝາຍເຫດ: ນີ້ເປັນໜຶ່ງໃນ assignment ທີ່ຂ້ອຍໄດ້ໃນລະຫວ່າງການຮຽນກັບມະຫາໄລ Vanderbilt ຕັ້ງແຕ່ປີ 2 ແລະ ເບິ່ງຄືວ່າປີນີ້ເຮົາຈະໄດ້ຮຽນ MATLAB ອີກຮອບເລີຍເອົາຟັງຊັ້ນເຈັງໆມາແຈກ ສຳລັບໂພສນີ້ ເປັນການຂຽນຟັງຊັນເພື່ອກວດຈັບຂອບຂອງຕົວໜັງສືໃນຮູບພາບ ດັ່ງຮູບລຸ່ມນີ້ ມາເປັນຮູບນີ້ ເລີ່ມດ້ວຍການຂຽນຟັງຊັນ function output = edgy(input) input = uint8(input); % ປ່ຽນ input ເປັນ uint8 input = double(input); % ປ່ຽນ input ເປັນ double image = zeros(size(input)); % ປ່ຽນຂະໜາດຂອງຮູບພາບໃຫ້ເປັນ 0 px = [-1 0 1; -2 0 2; -1 0 1]; py = [-1 -2 -1; 0 0 0; 1 2 1]; for i = 1:size(input, 1) - 2 for j = 1:size(input, 2) - 2 Gx = sum(sum(px.https://pinkeo.netlify.app/posts/5-%E0%BA%9B%E0%BA%B6%E0%BB%89%E0%BA%A1%E0%BA%97%E0%BA%B5%E0%BB%88%E0%BA%82%E0%BB%89%E0%BA%AD%E0%BA%8D%E0%BA%A2%E0%BA%B2%E0%BA%81%E0%BB%83%E0%BA%AB%E0%BB%89%E0%BA%AD%E0%BB%88%E0%BA%B2%E0%BA%99%E0%BA%81%E0%BB%88%E0%BA%AD%E0%BA%99%E0%BA%97%E0%BA%B5%E0%BB%88%E0%BA%88%E0%BA%B0%E0%BB%80%E0%BA%9B%E0%BA%B1%E0%BA%99%E0%BA%9C%E0%BA%B9%E0%BB%89%E0%BB%83%E0%BA%AB%E0%BA%8D%E0%BB%88%E0%BB%80%E0%BA%95%E0%BA%B1%E0%BA%A1%E0%BA%95%E0%BA%BB%E0%BA%A7/Sun, 10 Sep 2023 15:45:27 +0700https://pinkeo.netlify.app/posts/5-%E0%BA%9B%E0%BA%B6%E0%BB%89%E0%BA%A1%E0%BA%97%E0%BA%B5%E0%BB%88%E0%BA%82%E0%BB%89%E0%BA%AD%E0%BA%8D%E0%BA%A2%E0%BA%B2%E0%BA%81%E0%BB%83%E0%BA%AB%E0%BB%89%E0%BA%AD%E0%BB%88%E0%BA%B2%E0%BA%99%E0%BA%81%E0%BB%88%E0%BA%AD%E0%BA%99%E0%BA%97%E0%BA%B5%E0%BB%88%E0%BA%88%E0%BA%B0%E0%BB%80%E0%BA%9B%E0%BA%B1%E0%BA%99%E0%BA%9C%E0%BA%B9%E0%BB%89%E0%BB%83%E0%BA%AB%E0%BA%8D%E0%BB%88%E0%BB%80%E0%BA%95%E0%BA%B1%E0%BA%A1%E0%BA%95%E0%BA%BB%E0%BA%A7/5 ປຶ້ມທີ່ຂ້ອຍຢາກແນະນຳໃຫ້ໝູ່ອ່ານກ່ອນທີ່ທຸກຄົນຈະເຖົ້າໄປກວ່ານີ້ 😅 ປຶ້ມເຫຼົ່ານີ້ດີເກີນໄປທີ່ຈະເກັບໄວ້ອ່ານຄົນດຽວ 1.Atomics Habits: ໜັງສືເຫຼັ້ມນີ້ແນະນຳວິທີໃນການປ່ຽນແປງຕົວເອງເລີ່ມຈາກສິ່ງເລັກໆນ້ອຍໆ ແລະຍັງຈະໄດ້ເຂົ້າໃຈພ້ອມວ່າເປັນຫຍັງເຮົາຈຶ່ງມີນິໄສແນວນີ້ ແຕ່ໃນລະຫວ່າງທີ່ອ່ານຂ້ອຍແນະນຳໃຫ້ຝຶກນິໄສໄປພ້ອມ ເມື່ອອ່ານຈົບເຈົ້າອາດຈະໄດ້ນິໄສດີໆຈັກຢ່າງສອງຢ່າງຕິດຕົວມາ ແລະຈະຮູ້ສຶກວ່າເຈົ້າປ່ຽນໄປ. – 2.How to Win Friends and Influence People: ເປັນຫນັງສືແນວຈິດຕະວິທະຍາທີ່ດີຫຼາຍ ມັນຈະເຮັດໃຫ້ເຈົ້າໄດ້ເຂົ້າໃຈພື້ນຖານຈິດໃຈຂອງມະນຸດ ແລະຄວາມຕ້ອງການທີ່ແທ້ຈິງຂອງມະນຸດ ເຮັດແນວໃດຄົນຈຶ່ງຮັກ ເຮັດແນວໃດໃຫ້ຄົນບໍ່ຊັງ ເວົ້າຈັ່ງໃດໃຫ້ຄົນເຊື່ອ ແລະ ຍັງໄດ້ລວມວິທີການຮັກສາຄວາມສຳພັນທີ່ດີ (ຫຼັງອ່ານຈົບເຈົ້າອາດຈະຈີບສາວຄົນນັ້ນຕິດກໍເປັນໄດ້ 😉) ເຫຼັ້ມນີ້ຂ້ອຍໃຫ້ຄະແນນ 9.5/10 – 3.Rich Dad Poor Dad (ພໍ່ລວຍສອນລູກ): ເຖິງພໍ່ເຈົ້າຈະລວຍແລ້ວກໍຕາມຂ້ອຍກໍຍັງຢາກໃຫ້ອ່ານ ໜັງສືເຫຼັ້ມນີ້ຈະເຮັດໃຫ້ຄວາມເຂົ້າໃຈດ້ານການເງິນຂອງເຈົ້າປ່ຽນໄປ ຈະໄດ້ຮູ້ວ່າອັນໃດຄືໜີ້ ອັນໃດຄືຊັບສິນ ຄົນລວຍມີແນວຄິດແບບໃດ ເປັນຫຍັງຄົນລວຍຈຶ່ງຍິ່ງລວຍຂຶ້ນ ເປັນຫຍັງພວກເຂົາຈຶ່ງມັກຢືມເງິນ. ອ່ານຈົບເຈົ້າອາດຈະບໍ່ຢາກຊື້ລົດທີ່ເຈົ້າຢາກໄດ້ມາຕະຫຼອດເລີຍກະໄດ້ ແລະອີກເຫຼັ້ມໜຶ່ງກ່ຽວກັບການເງິນທີ່ຢາກແນະນຳຄື Psychology of Money (ຂ້ອຍຍັງອ່ານບໍ່ຈົບ). – 4.Mindset: ‘’ ພອນສະຫວັນບໍ່ມີຄ່າເທົ່າຄວາມພະຍາຍາມ ’’ ເຈົ້າຈະໄດ້ຮູ້ຈັກກັບຄົນທີ່ມີ mindset ສອງແບບວ່າພວກເຂົາຕ່າງກັນແນວໃດ ແລະເຈົ້າເປັນຄົນທີ່ມີ mindset ແບບໃດ, ການມີຊຸດຄວາມຄິດແບບໃດຈຶ່ງຈະເຮັດໃຫ້ເຈົ້າພັດທະນາ, ແລ້ວເຈົ້າຈະໄດ້ຮູ້ວ່າ ການທີ່ຈະປະສົບຄວາມສຳເລັດ ເລີ່ມຈາກການມີ mindset ທີ່ດີ. – 5.ສາຍຕານົກອິນຊີ: ນີ້ເປັນຜົນງານຂຽນຂອງຄົນລາວ ຂ້ອຍອ່ານດົນແລ້ວຈື່ເນື້ອໃນບໍ່ໄດ້ຫຼາຍປານໃດ ແຕ່ຍັງຈື່ຄວາມຮູ້ສຶກຫຼັງອ່ານຈົບໄດ້, ມັນເປັນໜັງສືທີ່ຈະປຸກໄຟໃນຕົວເຈົ້າ ແລະ ຈະເຮັດໃຫ້ເຈົ້າເຫັນຄວາມເປັນໄປໄດ້ຂອງທຸກໆຢ່າງທີ່ເຈົ້າເຄີຍຄິດ ຫຼັງອ່ານຈົບເຈົ້າອາດຈະຢາກລຸກຂຶ້ນມາເຮັດຫຍັງບາງຢ່າງເພື່ອປ່ຽນໂລກເລີຍແຫຼະ.https://pinkeo.netlify.app/posts/lets-talk-about-%E0%BA%8A%E0%BA%B2%E0%BA%94%E0%BA%99%E0%BA%B4%E0%BA%8D%E0%BA%BB%E0%BA%A1-%E0%BB%80%E0%BA%AE%E0%BA%BB%E0%BA%B2%E0%BA%9E%E0%BA%B9%E0%BA%A1%E0%BB%83%E0%BA%88%E0%BB%83%E0%BA%99%E0%BA%84%E0%BA%A7%E0%BA%B2%E0%BA%A1%E0%BB%80%E0%BA%9B%E0%BA%B1%E0%BA%99%E0%BA%A5%E0%BA%B2%E0%BA%A7%E0%BA%AB%E0%BA%BC%E0%BA%B2%E0%BA%8D%E0%BA%9B%E0%BA%B2%E0%BA%99%E0%BB%83%E0%BA%94/Tue, 05 Sep 2023 15:19:04 +0700https://pinkeo.netlify.app/posts/lets-talk-about-%E0%BA%8A%E0%BA%B2%E0%BA%94%E0%BA%99%E0%BA%B4%E0%BA%8D%E0%BA%BB%E0%BA%A1-%E0%BB%80%E0%BA%AE%E0%BA%BB%E0%BA%B2%E0%BA%9E%E0%BA%B9%E0%BA%A1%E0%BB%83%E0%BA%88%E0%BB%83%E0%BA%99%E0%BA%84%E0%BA%A7%E0%BA%B2%E0%BA%A1%E0%BB%80%E0%BA%9B%E0%BA%B1%E0%BA%99%E0%BA%A5%E0%BA%B2%E0%BA%A7%E0%BA%AB%E0%BA%BC%E0%BA%B2%E0%BA%8D%E0%BA%9B%E0%BA%B2%E0%BA%99%E0%BB%83%E0%BA%94/ສອງທິດກ່ອນ ຂ້ອຍໄດ້ມີໂອກາດໄປພົບກັບໝູ່ທີ່ຮຽນມະຫາໄລນຳກັນນີ້ແຫຼະແຕ່ຮຽນຕ່າງຄະນະກັນຢູ່ງານໜຶ່ງທີ່ມະຫາໄລຈັດ, ມັນດີຫຼາຍທີ່ໄດ້ພົບເຂົາເຈົ້າ, ເຮົາໄດ້ມີໂອກາດສົນທະນາກັນເລື່ອງສະພາບສັງຄົມ, ເສດຖະກິດ ແລະ ການເມືອງປັດຈຸບັນ. ຂ້ອຍໄດ້ຮູ້ເຖິງແນວຄິດຂອງແຕ່ລະຄົນທີ່ມີຕໍ່ສະພາບປັດຈຸບັນ ໂດຍສະເພາະເລື່ອງເສດຖະກິດ, ທີ່ມ່ວນໄປກ່ວານັ້ນ ເຮົາໄດ້ສວມບົດບາດເປັນນັກການເມືອງທີ່ເຮົາເອີ້ນວ່າ ສ.ສ (ເຊິ່ງຂ້ອຍກໍບໍ່ໝັ້ນໃຈວ່າມັນຫຍໍ້ມາຈາກຫຍັງ ຮາຮາ) ແລະຍົກວິທີແກ້ໄຂບັນຫາປັດຈຸບັນໃນແບບຂອງເຮົາເອງ ຫາກເຮົາມີຄວາມສາມາດພໍທີ່ຈະເຮັດຫຍັງບາງຢ່າງເພື່ອແກ້ໄຂ ເຮົາຊິເຮັດຫຍັງ? ແລະແຕ່ລະຄົນກໍມີວິທີໃນແບບຂອງຕົນເອງ ແຕ່ທີ່ຂ້ອຍສັງເກດເຫັນສິ່ງໜຶ່ງທີ່ເຮົາເຫັນຕົງກັນຄື ການປັບປຸງຄຸນນະພາບການສຶກສາ , ກໍບໍ່ແປກໃຈເພາະເຮົາເອງກໍເປັນນັກສຶກສາ ແລະກໍເຫັນໄດ້ຊັດເຈນວ່າການສຶກສາຢູ່ລາວມັນເປັນແນວໃດ. ນີ້ນຳໄປສູ່ການຕັ້ງຄຳຖາມທີ່ວ່າ, ‘’ເປັນຫຍັງ ນັກສຶກສາທີ່ໄປຮຽນຢູ່ຕ່າງປະເທດຫຼາຍຄົນຈຶ່ງບໍ່ຢາກກັບມາເຮັດວຽກຢູ່ປະເທດໂຕເອງ? ’’ ຄຳຕອບກໍແນ່ນອນຢູ່ແລ້ວວ່າ… (ເຈົ້າກະຮູ້) ແຕ່ມີຄົນໜຶ່ງໄດ້ກ່າວເຖິງຄວາມເປັນ ຊາດນິຍົມ ແລະນັ້ນແຫຼະທີ່ເປັນສິ່ງທີ່ໜ້າສົນໃຈ ເປັນຫຍັງຄົນລາວຫຼາຍຄົນບໍ່ມັກນຳໃຊ້ຜະລິດຕະພັນຂອງລາວ? ຄຸນນະພາບບໍ່ດີ ຄົງເປັນຄຳຕອບຂອງຫຼາຍໆຄົນ (ລວມທັງຂ້ອຍ) ລອງເບິ່ງຂ້າມເຫດຜົນທາງກາຍະພາບເຫຼົ່ານັ້ນ ແລ້ວເບິ່ງເລິກໆເຂົ້າໄປໃນຈິດໃຈຂອງຄົນ, ເຮົາມີຄວາມພູມໃຈໃນຄວາມເປັນລາວຫຼາຍປານໃດ? ເຮົາຮູ້ສຶກພູມໃຈທີ່ໄດ້ໃສ່ Nike, Adidas, ຮູ້ສຶກເທ້ທີ່ໄດ້ໃສ່ເສື້ອວິນເທຈທີ່ມີທຸງຊາດອະເມຣິກາ, ຂ້ອຍເຫັນໄວລຸ້ນໃສ່ເສື້ອທີ່ມີພາສາໄທຂຽນວ່າ ພະລັງໃບ ໃຫ້ຂ້ອຍເດົາມັນຄົງເປັນໃບກະທ່ອມ ບາງໂຕມີທຸງຊາດໄທພ້ອມ ແລະຂ້ອຍກໍບອກໄດ້ວ່າພວກເຂົາມັກເສື້ອໂຕນັ້ນບໍ່ໜ້ອຍ ໃນເມື່ອກ່ອນ ໄທ ມາຊື້ເກືອບ້ານເກິນຢູ່ລາວ ນີ້ເປັນສິ່ງທີ່ຢັ້ງຢືນວ່າເກືອລາວກໍມີຄຸນນະພາບ ແລ້ວຕອນນີ້ເຮົາໄດ້ນຳເຂົ້າເກືອຈາກໄທ ແລ້ວຄົນລາວກໍເລືອກເກືອໄທ, ແນ່ນອນຍ້ອນວ່າຄຸນນະພາບມັນດີກວ່າ ແຕ່ລອງສົມມຸດວ່າ ຖ້າຄຸນນະພາບເກືອລາວກັບໄທດີເທົ່າກັນລາຄາເທົ່າກັນ ເຈົ້າຊິເລືອກໂຕໃດ? ເຈົ້າຄົງເລືອກຂອງລາວແລະບອກວ່າ ’’ຂ້ອຍຢາກສະໜັບສະໜຸນສິນຄ້າລາວ’’ (ເປັນເລື່ອງດີທີ່ມີແນວຄີດແບບນີ້) ແຕ່ເຊື່ອບໍ່ວ່າຈະມີຫຼາຍຄົນທີ່ເລືອກຂອງໄທດ້ວຍຄວາມເຊື່ອເຕັມໃຈທີ່ວ່າຈັ່ງໃດມັນກໍດີກວ່າ ແລະພວກເຂົາຮູ້ສຶກພູມໃຈທີ່ໄດ້ໃຊ້ຂອງຕ່າງປະເທດ ມັນມີຫຼາຍຜະລິດຕະພັນຂອງລາວທີ່ຄຸນນະພາບດີ ແລະ ລາຄາຖືກກ່ວາ ແຕ່ຄົນລາວໃຊ້ມັນແຕ່ຕອນທີ່ຢາກປະຢັດເງິນ ຖ້າມີເງິນເຮົາກໍຈະເລືອກໃຊ້ຂອງທີ່ນຳເຂົ້າຈາກຕ່າງປະເທດ ເຮົາບໍ່ມີຄວາມເຊື່ອໝັ້ນໃນຜະລິດຕະພັນລາວ ເຮົາຮູ້ສຶກພູມໃຈຫຼາຍກວ່າເມື່ອໄດ້ໃຊ້ຂອງຕ່າງປະເທດhttps://pinkeo.netlify.app/posts/catgpt-%E0%BA%84%E0%BA%B9%E0%BB%88%E0%BB%81%E0%BA%82%E0%BB%88%E0%BA%87-chatgpt/Sat, 24 Jun 2023 23:22:27 +0700https://pinkeo.netlify.app/posts/catgpt-%E0%BA%84%E0%BA%B9%E0%BB%88%E0%BB%81%E0%BA%82%E0%BB%88%E0%BA%87-chatgpt/ໃນຂະນະທີ່ ChatGPT ທີ່ເປັນ AI ທີ່ມີປະສິດທິພາບໃນປັດຈຸບັນ ກຳລັງເຮັດໃຫ້ຫຼາຍຄົນຮູ້ສຶກວ້າວກັບຄວາມສາມາດຂອງປັນຍາປະດິດ ກໍມີອີກຫຼາຍໆ AI ທີ່ເກີດຂຶ້ນຕາມໆທີ່ມີປະໂຫຍດ ແລະມີປະສິດທິພາບແຕກຕ່າງກັນໄປ. ແລະມື້ນີ້ຈະມາເວົ້າເຖິງ CatGPT (ເອະ ຊື່ຄຸ້ນໆ) CatGPT ກາຍກຳລັງໄດ້ຮັບຄວາມສົນໃຈຈາກ social media, ນີ້ເປັນ AI ທີ່ແຕກຕ່າງຈາກ ChatGPT (ເຖິງຊື່ຈະຟັງເບິ່ງຄ້າຍໆກັນ), ມັນອາດຈະບໍ່ສາມາດສອບໝໍ ຫຼື ກົດໝາຍຜ່ານໄດ້ຄື ChatGPT ແຕ່ມັນສາມາດຕອບໂຕ້ໄດ້ຄືແມວ ນັ້ນແຫຼະ, ຕາມຊື່ເລີຍ CatGPT ແມ່ນ AI ແມວ ທີ່ຈະຕອບໂຕ້ກັບເຮົາຄືແມວ ບໍ່ວ່າເຮົາຈະຖາມຫຍັງມັນກໍຈະຕອບ ແມ່ວ ແມ່ວ ຢູ່ແບບນັ້ນ ໜ້າເວັບໄຊ້ຂອງ CatGPT ຖືກອອກແບບໃຫ້ຄ້າຍຄືກັບ ChatGPT, ເມື່ອເຂົ້າໄປທີ່ໜ້າເວັບໄຊ້ ມັນຈະໂຊຕົວຢ່າງຄຳຖາມທີ່ສາມາດຖາມໄດ້ ມັນສາມາດໃຫ້ຄຳຕອບເປັນ GIF ແມວຕະຫຼົກຕະຫຼົກ ແລະ ຄຳວ່າ Meow meow [UPDATE] ຫຼັງຈາກການອັບເດດລ່າສຸດ ຕອນນີ້ CatGPT ສາມາດຕອບໂຕ້ໄດ້ຄືກັບມະນຸດແລ້ວ ຟີເຈີ GPT-Furr ຖືກເພີ່ມມາເປັນ AI ທີ່ນຳໃຊ້ໄດ້ແທ້, ແລະຂອ້ນຂ້າງມີຄວາມກວນຕີນໜ້ອຍໜຶ່ງ ເຊິ່ງເປັນຄາແລັກເຕີຂອງມັນເອງ ແລະ ມັນໃຫ້ຄວາມຮູ້ສຶກທີ່ແຕກຕ່າງອອກໄປຈາກການນຳໃຊ້ AI ຕົວອື່ນຄືມັນມີຄວາມເປັນທຳມະຊາດໃນການຕອບຄຳຖາມ ເຮັດໃຫ້ຄືກຳລັງສົນທະນາກັບມະນຸດແມວຄົນໜຶ່ງ. ແມວໂຕນີ້ສະຫຼາດກວ່າທີ່ຄິດ, ທີມງານທີ່ສ້າງມັນຕ້ອງເປັນຄົນທີ່ມີຄວາມ creative ຢູ່ບໍ່ໜ້ອຍ, ເອົາເປັນວ່າໃຜທີ່ຢາກລອງໄປລົມກັບແມວສາມາດເຂົ້າໄປໄດ້ທີ່ https://www.https://pinkeo.netlify.app/posts/things-i-have-learnt-in-my-teenage-year/Sun, 04 Jun 2023 10:45:27 +0700https://pinkeo.netlify.app/posts/things-i-have-learnt-in-my-teenage-year/ສິ່ງທີ່ຂ້ອຍໄດ້ຮຽນຮູ້ໃນຊ່ວງ 20 ປີຜ່ານມາຂອງຊີວິດ o(￣▽￣)ブ 1. ຈົ່ງຮັກສາສຸຂະພາບ ແລະໃຊ້ເວລາໃຫ້ຄຸ້ມຄ່າ: ສອງຢ່າງນີ້ຄືສິ່ງທີ່ສູນເສຍໄປ ແລ້ວເອົາກັບຄືນມາບໍ່ໄດ້, ສຸຂະພາບຂອງເຮົາຈະເຊື່ອມໂຊມຕາມການເວລາ ເຊັ່ນດຽວກັນກັບເວລາທີ່ກຳລັງມີໜ້ອຍລົງ,ໃຊ້ເວລາ ເຮັດໃນສິ່ງທີ່ມີຄວາມສຸກ, ມີຄວາມໝາຍຕໍ່ຕົນເອງ ແລະຄົນອື່ນ. 2. ຢ່າອິນກັບຄວາມຮັກຊ່ວງອາຍຸກ່ອນ 20 : ຂ້ອຍຍຶດຕິດກົດຂໍ້ນີ້ມາຕະຫຼອດ ບໍ່ແມ່ນວ່າຂ້ອຍບໍ່ສົນເລື່ອງຄວາມຮັກ ແຕ່ເຊື່ອບໍ່ວ່າ ຄົນທີ່ເຮົາຄົບຕອນທີ່ຍັງເປັນໄວລຸ້ນ ຈະບໍ່ແມ່ນຄົນຄົນນັ້ນທີ່ເຮົາຈະແຕ່ງງານນຳໃນອະນາຄົດ,ທຳຄວາມຮູ້ຈັກຄົນໃຫ້ຫຼາຍໆ ໃຊ້ເວລາຮ່ວມກັນກັບພວກເຂົາ ແລະເປັນຄວາມຊົງຈຳດີໆໃຫ້ກັນແລະກັນ. 3. Discipline > Motivation: ການມີແຮງບັນດານໃຈເປັນສິ່ງທີ່ດີ ແຕ່ມັນບໍ່ແມ່ນສິ່ງທີ່ຈະເຮັດໃຫ້ເຮົາປະສົບຜົນສຳເລັດ ມັນຊ່ວຍໃນການເລີ່ມຕົ້ນ ແຕ່ວິໄນຕ່າງຫາກທີ່ຈະເຮັດໃຫ້ເຮົາບັນລຸເປົ້າໝາຍໄດ້, ຝຶກການມີວິໄນກັບຕົນເອງ 💪 4. ຢ່າຢ້ານທີ່ຈະບອກຄວາມຮູ້ສຶກດີໆທີ່ຕົນເອງມີຕໍ່ຄົນອື່ນ: ມັກໃຜກະບອກໄປໂລດ, ມັກຮອຍຍິ້ມ ສຽງຫົວ ແວວຕາ ຫຼືອີ່ຫັຍງກະບອກໄປໂລດ ເຖິງມັນເປັນສິ່ງເລັກໆນ້ອຍໆ ແຕ່ເຊື່ອບໍ່ວ່າຄຳເວົ້າເຫຼົ່ານີ້ ເຮັດໃຫ້ພວກເຂົາຮູ້ສຶກດີໃດ້ຫຼາຍເທົ່າ 5. ການເຂົ້າໃຈໂລກໃຫ້ຫຼາຍ ສາມາດປ້ອງກັນຄວາມເຈັບປວດທີ່ໂລກຈະເຮັດກັບເຮົາໄດ້: ເຂົ້າໃຈກົດເກນທຸກຢ່າງຂອງໂລກ ເຂົ້າໃຈຄວາມຮູ້ສຶກຄົນ ເຂົ້າໃຈວ່າທຸກຢ່າງທີ່ເກີດຂຶ້ນມີເຫດຜົນ ແລ້ວຍອມຮັບມັນ 6. ຮັກໂຕເອງ ຄືຮັກທີ່ວິເສດ: ເຮົາຈະມີຄວາມສຸກຂຶ້ນຫຼາຍເທົ່າຖ້າເຮົາຮັກໂຕເອງຫຼາຍຂຶ້ນ 💖 7. ລະຫວ່າງຄວາມຮູ້ສຶກ ແລະຄວາມຈິງ ໃຫ້ເລືອກຄວາມຮູ້ສຶກ: ຄວາມຈິງ ຈັ່ງໃດມັນກະຍັງຄົງຈະເປັນຄວາມຈິງ ແຕ່ຖ່າໃຫ້ເລືອກເວົ້າ ກໍຈົ່ງເວົ້າສິ່ງທີ່ມັນຮັກສາຄວາມຮູ້ສຶກຂອງຄົນອື່ນ ເພາະບາງຄວາມຈິງມັນກໍເປັນສິ່ງທີ່ເຈັບປວດ ຕະຫຼອດ 20 ປີທີ່ຜ່ານມາ ມີຫຼາຍເລື່ອງຫຼາຍຄວາມຊົງຈຳhttps://pinkeo.netlify.app/posts/24052023/Wed, 24 May 2023 23:13:27 +0700https://pinkeo.netlify.app/posts/24052023/ບໍ່ໄດ້ເນັ້ນຄວາມສຳພັນແບບໃດໜຶ່ງ ແຕ່ມັນຄືຄວາມສຳພັນທຸກຮູບແບບ ສຳລັບຂ້ອຍ ຄວາມສຳພັນທີ່ມີອິດທິພົນກັບຂ້ອຍຫຼາຍທີ່ສຸດ ຄື ຄອບຄົວ ແລະໝູ່ເພື່ອນ ເຮົາເຄີຍເປັນກັນໝົດທຸກຄົນແຫຼະ ເມື່ອບໍ່ໄດ້ຮັບຄວາມສົນໃຈກໍຄຽດ ມັນເປັນທຳມະຊາດຂອງມະນຸດ ແລະມັນເກີດກັບທຸກຄົນ ທັງຜູ້ຍິງ ແລະຊາຍ . ໃນຊີວິດເຮົາ ເຮົາຈະໄດ້ຮູ້ຈັກຫຼາຍໆຄົນ ແລະເຮົາເລືອກໄດ້ວ່າຈະເກັບໃຜໄວ້ ໃນນັ້ນຕ້ອງມີຈັກຄົນແຫຼະ ທີ່ເຮົາຍັງຄົງຈະໄປຫາ ຫຼືໂທຫາ ເມື່ອເຮົາອາຍຸ 70 80 ນະ ແຕ່ມັນກໍມີຫຼາຍຄັ້ງ ທີ່ເຮົາເຮັດຫຍັງໂງ່ໆໄປ ແລ້ວມັນເຮັດໃຫ້ຄວາມສຳພັນພັງລົງ ມັນເຈັບ ບໍ່ວ່າຈະເປັນຄວາມສຳພັນຮູບແບບໃດກໍຕາມ ມັນມີຫຼາຍຄັ້ງ ທີ່ໝູ່ຄູ່ ຄອບຄົບ ເຮັດບາງຢ່າງທີ່ທຳຮ້າຍຈິດໃຈຂ້ອຍ ເຮັດໃຫ້ຮູ້ສຶກບໍ່ດີ ແລະສິ່ງນັ້ນເອງ ກໍເປັນສິ່ງທີ່ເຮັດໃຫ້ຂ້ອຍ ຕັດຄົນບາງຄົນອອກຈາກຊິວິດ ແຕ່ຖ້າໃຊ້ເກນນີ້ມາໃຊ້ກັບທຸກຄົນ ຕອນນີ້ຂ້ອຍຄົງບໍ່ເຫຼືອໃຜ ມັນໃຊ້ກັບທຸກຄົນບໍ່ໄດ້ ຄົນທີ່ໃຫ້ໃຫ້ເຮົາຮູ້ສຶກສຳຄັນ ຮູ້ສຶກຖືກຮັກ ຮູ້ສຶກປອດໄພ ຮູ້ສຶກວ່າຊີວິດມີຫຍັງມ່ວນໆໃຫ້ເຮັດ ຮູ້ສຶກວ່າເຮົາໂຊກດີ … ແລະອີກຫຼາຍຄວາມຮູ້ສຶກ ມີບາງຄັ້ງ ພວກເຂົາເຮັດໃຫ້ເຮົາຮູ້ສຶກໄປໃນທາງລົບ ແລ້ວເຮົາ ເກັບມາຄຽດ ນ້ອຍໃຈ ບໍ່ເວົ້າ ບໍ່ປັບຄວາມເຂົ້າໃຈ ຫຼືຮ້າຍໄປກວ່ານັ້ນ ຄືການ ສົ່ງກັບຄວາມຮູ້ສຶກດ້ານລົບ ທີ່ຮຸນແຮງກວ່າຫຼາຍເທົ່າ ກັບໄປຫາພວກເຂົາ ມັນຍິ່ງຈະເຮັດໃຫ້ທຸກຢ່າງບໍ່ດີລົງ . ລ່າສຸດ ຂ້ອຍກໍເກືອບເສຍໝູ່ດີໆຄົນໜຶ່ງໄປ ມັນເປັນພຽງຄຳເວົ້າປະໂຫຍກດຽວທີ່ທຳຮ້າຍ ຂ້ອຍເຜີສົ່ງພະລັງງານລົບໆນັ້ນກັບໄປຫາລາວ ມັນເຮັດໃຫ້ເຮົາອຶດອັດ ພວກເຮົາ ຖອຍຫຼັງຄົນລະກ້າວ ສະຫງົບສະຕິ ເພາະບໍ່ຢາກທຳລາຍຄວາມເປັນໝູ່https://pinkeo.netlify.app/posts/the-flat-earth-society--%E0%BB%82%E0%BA%A5%E0%BA%81%E0%BB%83%E0%BA%9A%E0%BA%99%E0%BA%B5%E0%BB%89%E0%BA%A1%E0%BA%B1%E0%BA%99%E0%BB%81%E0%BA%9A%E0%BA%99/Tue, 13 Sep 2022 10:45:27 +0700https://pinkeo.netlify.app/posts/the-flat-earth-society--%E0%BB%82%E0%BA%A5%E0%BA%81%E0%BB%83%E0%BA%9A%E0%BA%99%E0%BA%B5%E0%BB%89%E0%BA%A1%E0%BA%B1%E0%BA%99%E0%BB%81%E0%BA%9A%E0%BA%99/The Flat Earth Society ໂລກໃບນີ້ມັນແບນ ຖ້າຂ້ອຍບອກວ່າໂລກນີ້ມັນແບນ ມັນບໍ່ໄດ້ເປັນໜ່ວຍມົນເຈົ້າຈະເຊື່ອບໍ່? ແນ່ນອນວ່າເຈົ້າບໍ່ເຊື່ອ ບໍ່ມີໃຜເຊື່ອແນ່ນອນ, ແລ້ວໂລກມັນເປັນໜ່ວຍມົນຫວາ? ຮູ້ໄດ້ຈັ່ງໃດວ່າມັນເປັນໜ່ວຍມົນ? ເຄີຍເຫັນໂລກຈາກນອກຈາກອາວະກາດກັບຕາແລ້ວຫວາ? ມີຫຼັກຖານຫຼາຍຢ່າງທີ່ຍັ້ງຍືນວ່າໂລກເປັນໜ່ວຍມົນ…. ດຽວໆ! ຢ່າຟ້າວຕັດສິນຂ້ອຍ ຂ້ອຍບໍ່ທັນໄດ້ບອກວ່າຂ້ອຍເຊື່ອວ່າໂລກມັນແບນ ແຕ່ທີ່ຂ້ອຍຈະບອກຄືມັນມີຄົນທີ່ເຊື່ອແບບນີ້ ແລະບໍ່ໄດ້ມີໜ້ອຍອີກ. ຂໍແນະນຳໃຫ້ຮູຈັກກັບ The Flat Earth Society The Flat Earth Society ຫຼື ສະມາຄົມໂລກແບນ ( ແມ່ນລະ ມັນມີສະມາຄົມນີ້ແທ້ ) ມັນເປັນການລວມຕົວກັນຂອງຄົນທີ່ເຊື່ອວ່າໂລກແບນ ດ້ວຍເຫດຜົນຕ່າງໆນາໆທີ່ເຂົາເຈົ້າຄິດຂຶ້ນມາ ເຊິ່ງມັນມີຄວາມເປັນໄປໄດ້ບໍ່ ຂ້ອຍບໍ່ຮູ້ (ເພາະຂ້ອຍບໍ່ແມ່ນນັກດາລາສາດ) ແຕ່ຖ້າໃຫ້ໄປສຶກສາເຖິງທິດສະດີທີ່ເຮັດໃຫ້ເຊື່ອວ່າໂລກແບນ ຂ້ອຍອາດຈະກາຍເປັນຊາວໂລກແບນ ແລະອາດກາຍເປັນສະມາຊິກຄົນໃໝ່ຂອງສະມາຄົມ ( ຂ້ອຍເລີຍບໍ່ເຮັດດີກວ່າ ) ແຕ່ຂ້ອຍໄປສຶກສາວ່າ ແມ່ນຫຍັງທີ່ເຮັດໃຫ້ເຂົາເຈົ້າເຊື່ອແບບນີ້ ຄຳຕອບທີ່ໄດ້ຄື YouTube ແລະ ສື່ Social Media ອື່ນໆ ຄົນສວ່ນຫຼາຍໄດ້ຄວາມເຊື່ອແບບນີ້ຈາກສິ່ງທີ່ເຫັນທຸກມື້ ຄື Social Media ແລະໂລກ ທີ່ເບິ່ງຈາກພື້ນໂລກແລັວບໍ່ເຫັນເລີຍວ່າມັນເປັນວົງມົນ. ຖ້າລອງຄົ້ນຫາຄຳວ່າ “Flat Earth” ໃນ YouTube ກໍຈະເຫັນຫຼາຍວິດີໂວກ່ຽວກັບໂລກແບນ ສ່ວນຫຼາຍກໍຈະເປັນແນວທີ່ອະທິບາຍວ່າໂລກມັນບໍ່ໄດ້ແບນ ແລ້ວເຈົ້າລອງເບິ່ງວິດີໂອເຫຼົ່ານັ້ນໄປຈັກ 2-3 ວິດີໂອ ແລ້ວເຈົ້າຈະສັງເກດວ່າວິດີໂອຕໍ່ໄປທີ່ YouTube ແນະນຳກໍເປັນວິດີໂອທີ່ມີເນື້ອຫາຄ້າຍຄືກັນ.https://pinkeo.netlify.app/posts/meme-%E0%BA%97%E0%BA%B3%E0%BA%AD%E0%BA%B4%E0%BA%94%E0%BA%82%E0%BA%AD%E0%BA%87%E0%BB%82%E0%BA%A5%E0%BA%81/Tue, 06 Sep 2022 10:45:27 +0700https://pinkeo.netlify.app/posts/meme-%E0%BA%97%E0%BA%B3%E0%BA%AD%E0%BA%B4%E0%BA%94%E0%BA%82%E0%BA%AD%E0%BA%87%E0%BB%82%E0%BA%A5%E0%BA%81/ຄຳວ່າ meme (ມີມ) ຫຼາຍຄົນຄົງເຄີຍໄດ້ຍິນ ແລະ ຄົງເຂົ້າໃຈກັນດີວ່າ ມັນມີຄວາມໝາຍສື່ເຖິງຮູບພາບການເຢາະເຢີ້ຍ ຮຽນແບບໄປໃນທາງຕະຫຼົກເຮຮາ ເຊັ່ນຮູບເຫຼົ່ານີ້ ຄວາມໝາຍ ແລະ ທີ່ມາຂອງຄຳວ່າ meme ຄຳວ່າ meme ມີເຄົ້າມາຈາກພາສາເກັຣກຄຳວ່າ mīmēma (μίμημα; ອອກສຽງວ່າ [míːmɛːma]) ເຊິ່ງໝາຍຄວາມວ່າການລອກຮຽນແບບ. ຖືກກ່າວເຖິງຄັ້ງທຳອິດໃນປຶ້ມ The Selfish Gene ຂອງ Dawkins ປີ 1976. ສະໄໝກ່ອນຄຳວ່າມີມຖືກໃຊ້ດ້ານຊີວະສາດດ້ານຢີນແຕ່ປັດຈຸບັນຄວາມໝາຍຂອງມັນໄດ້ປ່ຽນໄປຫຼາຍ. ອີງຕາມ Oxford Dictionary ໄດ້ໃຫ້ຄວາມໝາຍຂອງຄຳວ່າ meme ໄວ້ວ່າ: an idea that is passed from one member of society to another, not in the gene but often by people copying it ຄວາມຄິດທີ່ຖືກຖ່າຍທອດຈາກຄົນໜຶ່ງໃນໄປສູ່ຄົນອື່ນໃນສັງຄົມ ບໍ່ໄດ້ຢູ່ໃນຢີນ ແຕ່ຄົນມີການຮຽນແບບໄປຕາມໆກັນ an image, a video, a piece of text, etc. that is passed very quickly from one internet user to another, often with slight changes that make it humorous ຮູບພາບ, ວິດີໂອ, ຂໍ້ຄວາມສັ້ນໆ ແລະ ອື່ນໆ ທີ່ຖືກສົ່ງຕໍ່ໃນອິນເຕີເນັດຢ່າງໄວ, ມັກມີການປ່ຽນແປງເລັກນ້ອຍເຮັດໃຫ້ມີຄວາມຕະຫຼົກhttps://pinkeo.netlify.app/posts/what-ive-learn-after-6-months-without-social-media/Thu, 02 Jun 2022 15:19:04 +0700https://pinkeo.netlify.app/posts/what-ive-learn-after-6-months-without-social-media/ວັນທີ 17 ເດີອນ ພະຈິກ ປີກ່ອນ ຂ້ອຍຕັດສິນໃຈເຮັດຫຍັງທີ່ຂ້ອຍຄິດວ່າມັນແປກດີ ຄືການຢຸດຫຼິ້ນ social media (Facebook, Instagram, Twitter, Tiktok, Discord) ແຕ່ຂ້ອຍຍັງໃຊ້ Youtube ແລະ Pinterest ເປັນບາງຄັ້ງຄາວ . ນີ້ປັນການທົດລອງບ້າໆ ທີ່ຈິງຂ້ອຍຕັ້ງໃຈຈະເຮັດໃຫ້ໄດ້ໜຶ່ງປີ ແຕ່…ນັ້ນແຫຼະ ຂ້ອຍເຮັດບໍ່ໄດ້ 😅 ແຕ່ວ່າຊ່ວງຫົກເດືອນຜ່ານມາຂ້ອຍໄດ້ຮຽນຮູ້ຄວາມຈິງບາງຢ່າງຈາກການທົດລອງຄັ້ງນີ້: 1. ໝູ່ ທີ່ຈິງແລ້ວມີໜ້ອຍຫຼາຍ ແລະມັນເປັນເລື່ອງໂອເຄ: ເຮົາອາດຈະມີໝູ່ເປັນພັນຄົນໃນເຟສບຸກ ແຕ່ເມື່ອເຮົາຫາຍໄປຈາກເຟສບຸກ ມີໝູ່ໜ້ອຍຫຼາຍທີ່ຈະຖາມຫາເຮົາ. 2. ບໍ່ແມ່ນທຸກເລື່ອງທີ່ສຳຄັນກັບເຮົາ: ກ່ອນໜ້າທີ່ຂ້ອຍຈະຢຸດໃຊ້ເຟສບຸກ ຂ້ອຍເປັນຄົນໜຶ່ງທີ່ມີອາການ FOMO (Fear Of Missing Out) ຢູ່ລະດັບໜຶ່ງ ຄືອາການຢ້ານບໍ່ຮູ້ວ່າມີຫຍັງເກີດຂຶ້ນ (ເວົ້າງ່າຍໆຄື ຢ້ານນຳກະແສບໍ່ທັນ) ແຕ່ຄວາມຈິງຄື ເລື່ອງພວກນັ້ນມັນບໍ່ໄດ້ສົ່ງຜົນກັບຊີວິດຂ້ອຍປານນັ້ນ ແຕ່ຖ້າມັນເປັນເລື່ອງຄໍຂາດບາດຕາຍອີ່ຫຼີ ຄົນຂ້າງບ້ານຫາກເອົາມາເຫຼົ່າສູ່ຟັງເອງ ບໍ່ຕ້ອງຢ້ານຕົກຂ່າວດອກ. 3. ເວລາຄືສິ່ງທີ່ຄວນໃຊ້ໃຫ້ຄຸ້ມ: ລະຫວ່າງຫົກເດືອນຜ່ານມາ ມັນເຮັດໃຫ້ຂ້ອຍໄດ້ຮູ້ສຶກວ່າ ໜຶ່ງມື້ = 24 ຊົ່ວໂມງ ( 😂) ແລະຂ້ອຍເສຍເວລາໃປກັບການນອນ 8 ຊມ ຕໍ່ມື້(ບາງມື້) ແລະຫຼາຍກວ່າ 2 ຊມ ກັບການຫຼິ້ນໂທລະສັບ ເຊິ່ງເວລາສອງຊົ່ວໂມງນັ້ນ ຂ້ອຍສາມາດເອົາໄປເຮັດຫຍັງໄດ້ຕັ້ງຫຼາຍຢ່າງເຊັ່ນ ນອນເວັນ.https://pinkeo.netlify.app/posts/%E0%BA%84%E0%BA%BB%E0%BA%99%E0%BA%94%E0%BA%B5-%E0%BA%9A%E0%BB%8D%E0%BB%88%E0%BA%A1%E0%BA%B5%E0%BA%A2%E0%BA%B9%E0%BB%88%E0%BA%88%E0%BA%B4%E0%BA%87/Sat, 14 May 2022 16:19:04 +0700https://pinkeo.netlify.app/posts/%E0%BA%84%E0%BA%BB%E0%BA%99%E0%BA%94%E0%BA%B5-%E0%BA%9A%E0%BB%8D%E0%BB%88%E0%BA%A1%E0%BA%B5%E0%BA%A2%E0%BA%B9%E0%BB%88%E0%BA%88%E0%BA%B4%E0%BA%87/ເຮົາຖືກສອນມາຕັ້ງແຕ່ຍັງນ້ອຍວ່າສິ່ງໃດດີ ສິ່ງໃດບໍ່ດີ ອັນໃດຄວນເຮັດ ແລະບໍ່ເຮັດ ສອນໃຫ້ເຮົາມີຄວາມເມດຕາເພື່ອນມະນຸູດດ້ວຍກັນ ແຕ່ທັງໆທີ່ເຮົາຫຼາຍໆຄົນຖືກສັ່ງສອນອົບຮົມມາດີປານນັ້ນ ແຕ່ເປັນຫຍັງສັງຄົມຍັງເປັນແບບນີ້? ເປັນຫຍັງຍັງມີຄວາມວຸ່ນວາຍ ສົງຄາມ ຄວາມບໍ່ສະເໝີພາບ ຍັງມີການເອົາປຽບ ກົດຂີ່ຂົ່ມເຫັງ… ແລ້ວຄົນດີທີ່ວ່າຢູ່ໃສ? ນັ້ນກໍເພາະວ່າຄົນດີ ບໍ່ມີຢູ່ຈິງຕ່າງຫາກ ເປັນຫຍັງຄົນດີຈຶ່ງບໍ່ມີຢູ່ຈິງ? ການທົດລອງທີ່ພິສູດວ່າ ຄົນດີ ບໍ່ມີຢູ່ຈິງໃນສັງຄົມ Stanley Milgram ນັກຈິດຕະວິທະຍາຊາວອະເມຣິກາ ໄດ້ເຮັດການທົດລອງໃນປີ1961 ໂດຍການໃຫ້ອາສາສະໝັກຈັບຄູ່ກັນ ອາສາສະໝັກ A ມີໜ້າທີ່ຖາມຄຳຖາມ ແລະກົດປຸ່ມຊັອດໄຟຟ້າຫາກອາສາສະໝັກ B ຕອບຜິດເພື່ອເປັນການລົງໂທດ ໂດຍກະແສໄຟຟ້າຈະແຮງຂຶ້ນເລື້ອຍໆທຸກຄັ້ງທີ່ຖືກຊັອດຕັ້ງແຕ່ 15 volts ໄປເຖິງແຮງສຸດ 450 volts ທີ່ສາມາດເຮັດໃຫ້ເສຍຊີວິດໄດ້ (ເຊິ່ງຄວາມຈິງ ອາສາສະໝັກ B ເປັນພຽງຕົວສະແດງ ລາວມີໜ້າທີ່ພຽງແຕ່ສະແດງວ່າຖືກໄຟຟ້າຊັອດ ແລະ ບໍ່ມີກະແສໄຟຟ້າໃນເຄື່ອງຊັອດໄຟຟ້ານັ້ນເລີຍ). ເປົ້າໝາຍໃນການທົດລອງ Stanley Milgram ຢາກທົດສອບວ່າຫາກມະນຸດຕ້ອງຕົກຢູ່ໃນສະຖານະການທີ່ບີບບັງຄັບໃຫ້ເຮັດເລື່ອງບໍ່ດີ ມະນຸດຍັງຈະຄົງຄວາມມີສິນລະທຳຢູ່ຫຼືບໍ່? ຜົນການທົດລອງປາກົດວ່າ ຄົນສ່ວນໃຫຍ່ເກີດມີຄວາມລັງເລໃຈທີ່ຈະກົດປຸ່ມ ແຕ່ເມື່ອໄດ້ຮັບການຢືນຢັນວ່າໂຄງການຈະຮັບຜິດຊອບຄ່າເສຍຫາຍທັງໝົດ ອາສາສະໝັກເກືອບທັງໝົດສືບຕໍ່ກົດປຸ່ມລົງໂທດອາສາສະໝັກ B ຕໍ່ໄປ ໂດຍ **65%**ຂອງອາສາສະໝັກທີ່ເຂົ້າຮ່ວມສືບຕໍ່ກົດປຸ່ມລົງໂທດໄປຈົນເຖິງຂັ້ນແຮງສຸດທີ່ 450 volts ແລະອີກສ່ວນໜຶ່ງສືບຕໍ່ໄປຈົນເຖິງ 300 volts ກະແສໄຟທີ່ສູງລະດັບນັ້ນສາມາຂ້າຄົນໄດ້ແຕ່ເປັນຫຍັງອາສາສະໝັກຍັງສືບຕໍ່ທຳຮ້າຍອີກຝ່າຍເຊິ່ງເປັນຄົນແປກໜ້າ.ນີ້ເປັນການສະແດງອອກໃຫ້ເຫັນເຖິງຄວາມດໍາມືດພາຍໃນຈິດໃຈ ແລະຄວາມບໍ່ມີສິນລະທໍາຂອງມະນຸດໃນຂະນະທີ່ພວກເຂົາຕົກຢູ່ໃນສະຖານະການທີ່ບໍ່ເອື້ອອໍານວຍ. ແຕ່ໃນກຸ່ມອາສາສະໝັກທຳມະດາເຫຼົ່ານັ້ນບໍ່ມີໃຜມີຄວາມເມດຕາພໍທີ່ຈະຢຸດການກະທຳຂອງຕົວເອງເລີຍຫວາ? ແລ້ວຈະເກີດຫຍັງຂຶ້ນຖ້າໃຫ້ອິດສະຫຼະຄົນດີເພື່ອເຮັດສົ່ວ ແລະ ຖ້າຄົນດີຖືກຂົ່ມເຫັງພຶດຕິກຳຂອງພວກເຂົາຍັງຈະປ່ຽນໄປແນວໃດ? ນີ້ເປັນຖາມທີ່ນຳໄປສູ່ການທົດລອງອີກງານໜຶ່ງທີ່ມີຊື່ສຽງຂອງ philip zimbardo ການທົດລອງນີ້ມີຊື່ວ່າ The Stanford Prison Experiment ມີອາສາສະໝັກ 14 ຄົນ ແບ່ງເປັນສອງກກຸ່ມ, ກຸ່ມໜຶ່ງເປັນຜູ້ຄຸມ ສ່ວນອີກກຸ່ມເປັນນັກໂທດ ໂດຍຜູ້ຄຸມສາມາດອອກຄຳສັ່ງລົງໂທດນັກໂທດໄດ້ຕາມໃຈ ແຕ່ບໍ່ໃຫ້ທຳຮ້າຍເຖິງຕົວນັກໂທດ ການທົດລອງຈະດຳເນີນໄປເປັນເວລາ 14 ມື້ ແຕ່ຄວາມເປັນຈິງການທົດລອງນີ້ສິ້ນສຸດພາຍໃນເວລາ 5 ມື້.https://pinkeo.netlify.app/posts/whatsapp/Fri, 06 May 2022 10:45:27 +0700https://pinkeo.netlify.app/posts/whatsapp/WhatsApp ເລີ່ມຕົ້ນດ້ວຍການຍຶດຫມັ້ນຄວາມປອດໄພ,ຄວາມເປັນສ່ວນຕົວຂອງຜູ້ໃຊ້ ແລະບໍ່ສະແຫວງຜົນກຳໄລ. ທັງໝົດເລີ່ມເມື່ອປີ 2009 ໂດຍ Jan Koum ແລະ Brian Acton ໃນຊ່ວງທີ່ພວກເຂົາເລີ່ມພັດທະນາ WhatsApp ພວກເຂົານັ່ງໃນຫ້ອງທີ່ມີໂຕະໄມ້ເກົ່າໆ ເວົ້າໄດ້ວ່າພວກເຂົາເລີ່ມຈາກ 0 ແລະເມື່ອມີການເປີດໂຕແອັບ, ມີຄົນໃຊ້ເພີ່ມຂຶ້ນ ແນ່ນອນວ່າແອັບກໍຕ້ອງມີການພັດທະນາ ພວກເຂົາໄດ້ສະເໜີຕົວເລືອກໃຫ້ຜູ້ໃຊ້ຈ່າຍຄ່າບໍລິການ 1 ດອລລາຕໍ່ປີ ແລະແນ່ນອນ ຜູ້ໃຊ້ສ່ວນຫຼາຍຍອມຈ່າຍເພື່ອແລກກັບຄວາມສະດວກສະບາຍ ແຕ່ຄົນທີ່ບໍ່ຍອມຈ່າຍ ພວກເຂົາກໍຍັງໃຊ້ແອັບໄດ້ຕໍ່ໄປ, ຄ່າບໍລິການ1ດອລລາຕໍ່ປີນີ້ ຄ້າຍຄືກັບການບໍລິຈາກ ໃຜຈ່າຍກໍໄດ້,ໃຜບໍ່ຈ່າຍກໍບໍ່ເປັນຫຍັງ ນອກຈາກນັ້ນພວກເຂົາອາໄສເງິນລົງທຶນຈາກນັກລົງທຶນຫຼາຍໆຄົນເພື່ອພັດທະນາແລະປະຄັບປະຄອງ WhatsApp ໃຫ້ຢູ່ຕໍ່ ແຕ່ເງິນພຽງເທົ່ານັ້ນ ບໍ່ພຽງພໍທີ່ຈະເຮັດໃຫ້ WhatsApp​ ພັດທະນາໄປຕໍ່ໄດ້. ແລະ ພວກເຂົາຈະອາໄສເງິນຈາກນັກລົງທຶນເຫຼົ່ານັ້ນຕະຫຼອດໄປບໍ່ໄດ້ ເພາະວ່າບໍ່ມີໃຜຢາກລົງທຶນກັບສິງທີ່ສ້າງເງິນບໍ່ໄດ້. ໃນປີ​ 2014,​ Facebook ເຂົ້າຊື້ WhatsApp​ ດ້ວຍເງິນ 19ພັນລ້ານ$ ນັ້ນເປັນການຊື້ແອັບທີ່ລາຄາສູງສຸດໃນປະຫວັດສາດ ໃນຂະນະທີ່ WhatsApp ມີຜູ້ໃຊ້ຫຼັກລ້ານຄົນ. ແລ້ວ Mark Zuckerberg ຊື້ WhatsAppໃນລາຄາສູງປານນັ້ນເພື່ອຫຍັງ?ໃນເມື່ອ WhatsAppສ້າງເງິນບໍ່ໄດ້ເລີຍ. ແນ່ນອນວ່າ Mark Zuckerberg ຄິດດີແລ້ວກ່ອນຈະຊື້ ທັກສະນະທີ່ແຕກຕ່າງລະຫວ່າງ WhatsApp ແລະ Facebook WhatsApp ຄືແອັບທີ່ໃຫ້ຄວາມສຳຄັນກັບຄວາມເປັນສ່ວນຕົວຂອງຜູ້ໃຊ້Jan Koum ແລະ Brian Acton ເຈົ້າຂອງ WhatsApp ບໍ່ມັກການໂຄສະນາໃນແອັບ, ຕ້ອງການໃຫ້ WhatsApp ຟຣີ ແລະ ບໍ່ຕ້ອງການເກັບ ຫຼືຂາຍຂໍ້ມູນຜູ້ໃຊ້ ເຊິ່ງ Facebook ຄືທຸກສິ່ງທີ່ກົງກັນຂ້າມ.https://pinkeo.netlify.app/posts/%E0%BA%A7%E0%BA%B4%E0%BA%97%E0%BA%B5%E0%BA%95%E0%BB%8D%E0%BB%88-license-matlab-%E0%BB%83%E0%BB%9D%E0%BB%88/Fri, 09 Oct 2020 12:22:27 +0700https://pinkeo.netlify.app/posts/%E0%BA%A7%E0%BA%B4%E0%BA%97%E0%BA%B5%E0%BA%95%E0%BB%8D%E0%BB%88-license-matlab-%E0%BB%83%E0%BB%9D%E0%BB%88/ອ໊ະ!! ຂ້ອຍຍັງບໍທັນຂຽນຫຍັງເພາະຂອງຂ້ອຍກໍຍັງບໍ່ໝົດອາຍຸ, ແຕ່ຂ້ອຍຈະມາບອກແນ່ນອນ ສາມາດໄປຝາກອີເມວ Subscribe ໄວ້ ເພື່ອຈະໄດ້ຮັບການແຈ້ງເຕືອນເມື່ອຂ້ອຍໂພສ Subscribe ຫຼືຖ້າຕ້ອງການວິທີດ່ວນແມ່ນສົ່ງຂໍ້ຄວາມມາສ່ວນຕົວໄດ້ ຫຼື ໄປຫາເບິ່ງຄິບໃນຢູທູບອາດຈະໄວກວ່າການຖ້າໃຫ້ຂ້ອຍຕອບຂໍ້ຄວາມ:))